Семейде құтқарушылар саябағының салтанатты ашылуы өтті. — деп хабарлайды Arnapress.kz тілшісі облыстық әкімдігінің баспасөз қызметіне сілтеме жасап.
Сквер аумағында балалар, ойын және демалыс алаңдары бар. Жақын орналасқан көп қабатты үйдің қасбетінде тақырыпқа сай түрлі-түсті мурал салынған. Тақтатас төселіп, абаттандыру және асфальттау жұмыстары жүргізілді.
Абай облысының әкімі Нұрлан Ұранхаев өз құттықтауында жаңа сквердің қоғамның қауіпсіздігі үшін өмірлерін қатерге тігетін жандарға құрмет пен ризашылықтың белгісіне айналатынын атап өтті.
«Бүгін біз мұнда қаламызға деген сүйіспеншілік үшін ғана емес, барша құтқарушыларға құрметіміз бен алғысымызды білдіру үшін арнайы жиналып отырмыз. Біздің арамызда қауіп-қатермен күресу кезінде батылдық пен ерлік көрсететін адамдар бар. Олар — сын сағатта елдің жүгін көтерген бейбіт күннің нағыз батырлары. Біз құтқарушылардың әрбір ерлігін есте ұстауымыз қажет. Арамыздан ұзап кетсе де, әр құтқарушының ерлік жолы жадымызда сайрап тұр! Жас ұрпақ осындай азаматтарға қарап бой түзесін деп Құтқарушылар скверін ашып отырмыз!», — деді аймақ басшысы.
Облыс әкімі сонымен қатар қала тұрғындарын жаңа алаңға ұқыпты қарап, тазалықты сақтауға шақырды. Бұл біздің ортақ жауапкершілігіміз екенін айтты.
Құтқарушылар сквері қаланың сол жағалауындағы Баздырев пен Қостанай көшелерінің қиылысында орналасқан.
Сурет: Абай облысы әкімдігінің баспасөз қызметі
По сообщению сайта Arna Press