Стоковые изображения от Depositphotos
Шығыс Қазақстан облысы бойынша 6 000-нан астам автокөлік тіркелген, оның 1300-і «автоқұрылғы» ретінде тіркелген, яғни Қазақстанға қосалқы бөлшектер түрімен әкелінген, деп хабарлайды Arnapress.kz тілшісі ШҚО ПД баспасөз қызметіне сілтеме жасап.
1 шілдеден бастап заңдастырудың белгіленген мерзімдеріне сәйкес өтінімдерді қабылдау тоқтатылды. Алайда, 1 шілдеге дейін өтінім берген Қазақстан азаматтарына заңдастыру талаптарына сай болған жағдайда, көрсетілген мерзімнен кейін де өз автокөліктерін заңдастыру құқығы берілді.
«Бұдан басқа, 2022 жылғы 1 қыркүйекке дейін Еуразиялық экономикалық одақ елдерінен әкелінген және басқа елде есептен шығару рәсімін орындамағандықтан заңдастыруға болмайтын автокөліктерді мемлекеттік тіркеу туралы шешім қабылданды. Бұл көліктер осы мерзім өткеннен кейін кері әкету немесе заңдастыру шарттарымен бастапқы тіркеуден өту міндеттемесімен 5 жыл мерзімге уақытша тіркеледі» — деп айтты ШҚО ПД баспасөз қызметінде.
Естеріңізге сала кетейік, ағымдағы жылдың 23 қаңтарынан бастап ел Президентінің Қазақстан халқына Жолдауына сәйкес полиция қызметкерлері басқа мемлекеттік органдармен бірлесіп, елге 2022 жылғы 1 қыркүйекке дейін әкелінген шетелдік автокөліктерін заңдастыру процесін жүзеге асырды.
Сурет: ШҚО ПД баспасөз қызметі
По сообщению сайта Arna Press