Стоковые изображения от Depositphotos
Алматы облысында көп балалы отбасы белгісіз заттан уланып, бес адам қаза тапты, — деп хабарлайды Arnapress.kz тілшісі Tengrinews.kz-ке сілтеме жасап.
Қайғылы оқиға 4 мамырда Көліащы ауылында болған. Сағат 16:04-те Алматы облысы Төтенше жағдайлар департаментіне Қарасай ауданы, Елтай ауылдық округіне қарасты Көліащы ауылындағы жеке тұрғын үйде алты адам (екі ересек және төрт бала) алдын ала белгісіз заттан уланғаны туралы хабарлама келіп түсті, — делінген Алматы облысы Төтенше жағдайлар департаментінің баспасөз қызметінің ресми хабарламасында.
«Нәтижесінде 1984 жылы туған ер адам (әкесі) және төрт бала (2010 жылы туған қызы және 2008, 2013, 2018 жылы туған ұлдары) қаза болды. 1985 жылы туған әйел (анасы) Шамалған ауылының Қарасай көпсалалы ауданаралық ауруханасына жатқызылды. Жағдайы ауыр, реанимация бөлімінде. Алдын ала себеп — белгісіз заттан улану», — делінген хабарламада.
Мән-жайды анықтау үшін дереу шақырту орнына Төтенше жағдайлар департаментінің ғылыми-зерттеу сынақ өрт зертханасы, газ қызметі мен СЭС жіберілді. Алғашқы жиналған материал Қарасай ауданы бойынша ПБ тапсырылған.
Фото ©️ Tengrinews.kz / Әлихан Сариев
По сообщению сайта Arna Press